Mreža besplatne pravne pomoći CHRIS

Produkcija Romaworld-Mreža CHRIS pruža besplatnu pravnu pomoć

Mrezha CHRIS kedola shtar oborija basho manushengo hakaj ko shtar forija thaj trin bersh ko rndo realizuinen projekti kaj den azhutipa ko Nish, Bujanovac, Negotin, Valjevo thaj Novi Pazar kova realizuinol Gradjanski Forum. Akala orgakizacije den primarno thaj sekundarno hakajesko azhutipa, phenola Marija Demich taro Odbor basho manushikano hakaj ko Nish.

“5 NGO 5 pravnikija keren buti kote den hakajesko azhutipa. Kana phenav hakajesko azhutipa ko primarno thaj sekundarno azhutipa, mota te phenav kobor odova importantno basho rromano amalipa, em but akaja primarno, oj naje samo te ramosarenpe podneskija numa den pe savena informacije thaj koja institucija kerol savi buti. Akana isi amen manusha kola iranena pe šremali Readmisija thaj olende isi baro problemi lichne dokumentijencar, thaj olencar da keraja buti. Sine amen puchipa basho socijalno arakhipa odola tane save na tuzhbe ćhave thaj avera bucha, thaj okova soj tano prednost so valjani te koristinipe, isi gendo kova shaj akharol pe bizo thajra 0800 008007 kova tano dostupno taro 9-16h.”

Ako dikhol pe nahlo bersh o gendo taro manusha kola len hakajesko azhutipa po baro taano basho 30%. Ko anglune 6 ćhon 625 manusha rodindje azhutipa taro so 30% kerena manusha taro rromano amalipa, kobor importantno so ko than taro pravniko kerol buti Rrom?

“Me gndinav kaj importantno odova sebepi so me sijum ko Nish, kote baro gendo taro Rroma thajRromnja kerena lafi pi rromani ćhib, thaj gndinav kaj shukar sebepi tari ćhibjaki barijera, em but kana ku puchipa jugo tari Srbija thaj sjah subjektivno pachavipa isi ole pli rola, djikaj ko Valjevo naje akava valjanipa soske tino gendo taro Rroma kerena lafi pi rromani ćhib.” phenola Marija Demich taro Odbor basho manushikano hakaj ko Nish.

E Rashtra panda naje ola Hakaj kova dol akava azhutipa , em ako dji akana kerdilo dujto nacrt taro akava Hakaj.

Ovaj tv paket je deo projekta “Roma Fokus” koji sufinansira grad Niš, a realizuje produkcija Roma World.